Vleilande het baie algemeen in die laaglande van Kaapstad voorgekom. Hoewel die meeste van hierdie vleilande vernietig is, is daar nog verskillende tipes vleilande in Kaapstad:

• Seisoenale vleilande word by die Edith Stephens-vleilandpark en by die Kenilworth Resiesbaan aangetref.
• Daar is permanente varswatervleilande by Rondevlei, Zeekoevlei en Prinsesvlei.
• Getyriviere sluit Zandvlei, die mond van die Lourensrivier en die laer dele van Rietvlei in.

Hierdie afdeling verduidelik kortliks hoe 'n paar tipiese vleilandplante en -diere in hierdie verskillende vleilandhabitats in die laaglande van Kaapstad oorleef.