• Klein, wit of ligpienk koekemakranka-blomme groei teen Kersfeestyd direk uit die grond en het glad geen blare nie.
• Die blomme word bestuif en kwyn dan weg sonder om eers ‘n teken na te laat.
• In die winter nadat die eerste reën die grond laat sag word het, groei lang, dun, spiraalagtige blare en ‘n vrug wat soos ‘n klein piesang lyk, uit die grond.

• Die ryp, knotsvormige vrugte ruik soos aarbeie. Mense en diere eet graag hierdie vrugte wat aan die reuk daarvan uitgeken word. Hulle eet die sappige, geurige vleesgedeelte en versprei die saad in hul fekalieë.
• Koekemakranka-vrugte is so geurig dat mense dit gebruik het om ‘n heerlike, sagte reuk aan kamers en linne te gee net soos ons vandag lugverfrisser of pot pourri gebruik.
• Die Hollandse setlaars het geglo dat die vrugte voordelig vir jou maag was. Hulle het koekemakranka-vrugte by brandewyn gevoeg en dit gebruik as lekker medisyne wat hulle “koekemakrankabrandewyn” genoem het.
• Koekemakrankas het algemeen op die Kaapse Vlakte voorgekom, maar deesdae is hulle baie skaars Vra gerus jou grootouers of hulle daarvan geëet het.

Ons is nie seker hoe die koekemakranka aan sy naam gekom het nie. Sommiges beweer dit was oorspronklik ‘n Koisan-naam, terwyl andere van mening is dat dit afgelei is van die uitdrukking “goed vir my maagkrampe”, wat een van die gebruike daarvan beskryf.

Klik op die knoppies om meer uit te vind van inheemse voedselplante:

Inheemse vrugte		Inheemse groente
	Bessies (Bietou, Froetang, Skilpadbessie)		Papkuil (Typha capensis)
	Koekemakranka (Gethyllis afra)		Uintjies (Snygras, Klipuintjies, Wituintjies)
	Suurvy (Carpobrotus edulis)		Groen groente (Duinespinasie, Strandkool, Waterblommetjies)