Suid-Afrika is bekend vir sy ongeveer 24 000 spesies inheemse plante. Die land het egter ook ‘n slegte reputasie: die tweede meeste plante in die wêreld het hier uitgesterf! Trouens, die meeste bedreigde plantspesies per vierkante meter in die wêreld kom by die Kenilworth Resiesbaan voor.

Gedurende 2006 het SANBI www.sanbi.org die Rooi Lys van Suid-Afrikaanse plante hersien. Hierdie studie het aangetoon dat meer as 1800 Suid-Afrikaanse plantspesies met uitsterwing bedreig word.

• is 208 uit 1 466 laaglandplantspesies op die Rooi Lys;
• word 'n totaal van 296 plantspesies in die stad bedreig;
• is 160 plantspesies endemies aan Kaapstad; en
• word meer as 65 van hierdie endemiese plante met uitsterwing bedreig. Tensy hierdie plante binne die grense van Kaapstad bewaar word, sal hulle nie oorleef nie. Dit berus dus by die inwoners van Kaapstad om hierdie bedreigde spesies te bewaar.

In hierdie afdeling sal ons meer uitvind van sommige van die bedreigde plante in die laaglande van Kaapstad.