Kwagga [Quagga Project Association]  (Kwagga Projek-vereniging)	Bloubok

In die sestiende en sewentiende eeu het ontdekkers en setlaars baie wilde diere, met inbegrip van die bruinhiëna, Kaapse jakkals, rooikat, eland, luiperd, Kaapse leeu, bergsebra en ystervark in Kaapstad opgemerk en aangeteken. In die lente van 1659 het Jan van Riebeeck in sy dagboek aangeteken dat hulle (moontlik waar die huidige Seepunt is) afgekom het op “die klere, kopbeen en beendere” van ‘n soldaat wat twee weke vantevore vermis geraak het en dat die “kopbeen half afgebyt was; dus is daar aangeneem dat hy deur ‘n leeu opgevreet is”.

Dit het die setlaars nie lank geneem om die meeste van die wilde diere in en om Kaapstad te vernietig nie. Die meeste van hierdie diere oorleef nog buite die fynbosbioom, maar teen die einde van die agtiende eeu het die setlaars die bloubok laat uitsterf. Teen die middel van die negentiende eeu was die kwagga ook uitgesterf. Slegs ‘n paar bontebokke het in die Bredasdorp-gebied behoue gebly.

• Die bontebok, wat deur ‘n boer van Bredasdorp van uitsterwing gered is, word tans in die Tafelberg Nasionale Park, die Helderberg-natuurreservaat en die Tygerberg-natuurreservaat aangetref.
• Die eland, bergsebra en klipspringer word in die Tafelberg Nasionale Park aangetref.
• In die tagtigerjare is seekoeie weer by die Rondevlei-natuurreservaat ingevoer.

Bontebok	Eland	Seekoei

In hierdie afdeling leer ons van sommige van die bedreigde diere in die laaglande van Kaapstad.