Plante en diere van Kaapstad se laaglande

Hierdie interaktiewe plakkaat stel jou bekend aan sommige van die natuurlike habitats, plante en diere wat in Kaapstad aangetref word.
  • Klik op die Let's Go-skakel om die plakkaat oop te maak.
  • Klik hier om 'n lys van spesies op die plakkaat te kry.
  • Beweeg jou muis oor die habitat-name om uit te vind watter plante en diere in elk van die vier belangrikste laagland-habitats in Kaapstad aangetref word. Vir meer inligting oor hierdie habitats, vergelyk Module 2: Vier laagland-ekosisteme.
  • Beweeg jou muis oor die prent om die plante en diere te identifiseer. Jy kan die wetenskaplike name (in Latyn) en die algemene name in Engels, Afrikaans en/of Xhosa lees.
  • Vir meer inligting oor die plante en diere, beweeg jou muis oor die prent en klik op die plante en diere. Daar sal ‘n foto verskyn van die spesie en jy sal uitvind of dit met vernietiging bedreig word, of endemies aan Kaapstad is. Jy sal ook verwysings vind na meer inligting oor die plant of dier.

 

 

 

 

 

 

 

Hoe om ‘n spesie te benoem
Plante en diere kan baie algemene name in verskillende tale en in verskillende węrelddele hę. As jy na die lys van plante en diere op die plakkaat kyk, sal jy agterkom dat die meeste van hulle verskillende name in Engels, Afrikaans en isiXhosa het. Soms het verskillende plante of diere dieselfde algemene naam, bv. die twee verskillende orgideë op die plakkaat word albei moederkappies genoem.
Die twee plantspesies het meer as een algemene naam in Engels
Arum lily, Arum, Calla lily Dragon disa, White disa
Zantedeschia aethiopica Disa draconis
Alhoewel die twee plante aan verskillende spesies behoort, het hulle dieselfde algemene naam in Afrikaans.
Moederkappie Moederkappie
Pterygodium cruciferum Pterygodium catholicum

 

 

 

 

 

 

 

 

 

  • Carl Linnaeus
  • Algemene name kan baie verwarrend wees. Baie jare gelede het ‘n Sweedse wetenskaplike, Carl Linnaeus (1707-1778), besluit om aan elke lewende organisme sy eie, unieke wetenskaplike naam te gee sodat almal in die węreld dit kan gebruik. Hy het name uit Latyn en Grieks oorgeneem omdat niemand die tale meer praat nie.
  • In die lys van plante en diere op die plakkaat sal jy opmerk dat die meeste spesies wetenskaplike name het wat uit twee name bestaan, bv. Protea odorata, Mabuya capensis. Hulle word binomiale genoem. Hierdie name word skuins gedruk om aan te toon dat dit ‘n vreemde taal is.
  • Die eerste naam is die naam van die genus of groep waartoe die plant of dier behoort.
  • Die tweede naam is die naam van die besondere spesie. Elke spesie is uniek.
  • Elke spesie wat aan dieselfde genus behoort, het eenderse eienskappe.

 

 

 

 

 

 

'n Voorbeeld, die genus Moraea:

  • Op die plakkaat is daar byvoorbeeld drie plante wat almal aan die genus Moraea behoort:
    Moraea aristata, Moraea elsiae, Moraea ramosissima

  • Daar is nog ook baie ander:
    Moraea papilionancea, Moraea bellendenii, Moraea fugax, Moraea gawleri, Moraea tripetala, Moraea vegeta
    (Plaas jou muis op die wetenskaplike naam hier bo om uit te vind wat dit beteken en 'n foto van elk  te sien.)

  • Die generiese naam is Morarea.
  • Die spesiename is:  aristata, elsiae, ramosissima, flaccida, papilionancea, bellendenii, fugax, gawleri, Moraea miniata, tripetala, vegeta, minor.
  • Wanneer wetenskaplikes plante of diere vernoem, kies hulle dikwels name wat beskrywend is, of wat erkenning verleen aan die persone wat vir die eerste keer die spesie versamel en omskryf het. Klik op die bogenoemde spesiename om uit te vind waarna of na wie hulle vernoem is.
  • As die name van verskillende spesies in dieselfde genus geskryf moet word, kan jy die generiese naam afkort tot een of twee letters soos in hierdie sin: Moraea ramosissima, M. elsiae en M. aristata is drie plante met pragtige blomme.